Kuri uyu wa Gatandatu tariki 17 Nyakanga 2021, Minisiteri y’Ubuzima yatangaje ko ibikorwa byo gupima covid-19 byakozwe mu buryo budasanzwe, aho byakorewe kuri buri kagari nibura hapimwa 15% by’abagatuye. Hafashwe ibipimo 50.880 byagaragayemo abantu 1.997 banduye.
Ubwandu bwabonetse mu gihugu bwatumye abamaze kwandura bagera ku 54.549 mu gihe abamaze gupfa bo ari 638. Kuri uyu munsi abakize ni 976, umubare watumye muri rusange bagera ku 38.186.
Nyanza, Karongi, Rwamagana na Rutsiro niho hatigeze haboneka ubwandu bushya bwa covid-19, ariko byabaye ikinyuranyo k’Umujyi wa Kigali aho umubareuw’abanduye watumbagiye ukagera ku 1391.
Itangazo rya Minisiteri y’Ubuzima rigira riti ” Twihanganishije imiryango y’abagore batandatu b’imyaka 81 (Bugesera), 66, 35, 28 (Kigali), 63 (Karongi) na 57 (Rulindo) n’abagabo batandatu b’imyaka 83 (Rutsiro), 81 (Karongi) 76, 72, 72 (Kigali) & 65 (Karongi) bitabye Imana”.
Kugeza ubu abarembye nabo bakomeje kwiyongera aho kuri ubu umubare ugeze kuri 76.
NIKUZE NKUSI Diane
